Operimi nuk është i nevojshëm për Hugo Lloris

17:21 | 8 Tetor 2019
Arbresh Info

Portieri i Tottenham Hotspur, Hugo Lloris nuk do të ketë nevojë të operohet pas lëndimit të rëndë që pësoi në disfatën ndaj Brightonit.

Por, kapiteni i “Spursëve” ka pësuar një dëmtim të ligamenteve dhe nuk pritet të kthehet në stërvitje deri në fillim të vitit të ardhshëm, transmeton portali arbresh.info.

Pas vetëm tre minutave lojë në stadiumin Amex, francezi tentoi të ndalë krosimin nga Pascal Gross por me të rënë në tokë pësoi një lëndim të tmerrshëm duke dislokuar krahun.

Me largimin e tij nga fusha me ndihmën e stafit mjekësor, skuadra e tij pësoi një disfatë të thellë 3 me 0 duke rritur presionin ndaj “Spursëve”.

32-vjeçari do të jetë jashtë fushës deri në vitin e ardhshëm./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm